♕ يمينة ♕ بقلم الشاعر : ساعد لطرشي

 حياكم الله احبتي 

اليكم اخر ماكتبت

 🌺يمينة 🌺

يمينه في حبكم راني نسبح 

ياشقراء من شوقكم جاني لهلاك 

حبيبتي لحنينة مقواني نبرح 

انت روحي والعقل انت الملاك 

بنت العم لي عليها نا نمدح 

زينة النسوان حبي يا مبهاك 

ديتي عقلي يالعطرة مني صح 

وحرقتي لقليب بسرك وبهاك 

مقواني لا كان قلبي يتمحمح 

مزينك يازايخة ربي عطاك 

ازيزة بشوفتك راني نفرح 

شاهي حضنك نعنقك ونبات معاك 

ساعد لطرشي الجلفة الجزائر