زهر كانون
......................................
زهر كانون والقلب طاير مني
فرحان كتير عمّ يرقص ويغني
شوفوا الدبيكة جاي ل عنا ع الساحه
وكل الأحباب جاي ل عنا تا تهني
زينا الأرض بلزهور الفواحه
وضي قناديل والدنيا صارت جنه
رفعنا الأعلام ترفرف عنا بالساحه
وقلنا من القلب يا سوريا تتهني
.......................
كانون المجد هل علينا بثواره
وزهر اليسمين عم يهمس بأسراره
وطيور الحي عم تتباها بجمالا
والجوري صار عم يضحك بأزراره
والقمر طل يشاركنا بفرحتنا
ونجوم الليل عم بتزيد بأنواره
والمجلس طاب يا محلاها لمتنا
والليل إن طال نحنا الليله زواره
.......................
بدنا نغني ويعلا صوت الغنيه
و الحريه بهالدنيا أحلى هديه
وأحلى الرقصات بدنا نرقص بالساحه
وتعلا الأصوات بالزغروده الشاميه
ووين الدلات نملّيها بقهوتنا
وأطيب فنجان بالقهوه العربيه
نهتف ونقول سوريا حبيبتنا
تبقى وتعيش قلعة عز ومحميه
.......................
عرس الأوطان هوه أحلى الأعيادِ
زهر كانون قوموا نرقص يا ولادي
عرس الحريه أحلى عرس بوطنا
بعزم الثوار منهزم كل الأعادي
أسوار المجد بإدينا رح نبنيها
ونرفع رايات فوق الجبل والوادي
ونهدي الثوار منا أحلى تحيه
نغني ونقول نسم يا هوى بلادي
...........................................
ملك محمود الأصفر
بقلمي
ليست هناك تعليقات:
إرسال تعليق