........ بشاير رمضان ........
بشايرك هلت يا رمضان
وطبلية اللمه فرحانه بيك
بتجمع الاحبه بكل الألوان
والعبادات فى كل لياليك
بترووى القلووب بالإيمان
وبتعمر البيوووت بالقرأن
وزكايب الخير والإحسان
ربنا بعتهالنا ببصمة إيديك
ايامك فيها الخير والبركه
بتعّم علينا برووح الملايكه
وألذ فطار فى حضن مكه
ودموع الإبتهال ف عينيك
هل هلالك بنوورك الكريم
راضيت بقدومك كل يتيم
عطّر جودك ف رقة النسيم
بيسحر قلوبنا من عز النوم
نصلى الفجر ونبدأ الصووم
ونقوول أذكار صباح اليوم
والولاد يستقبلوك بالفوانيس
طوول الشهر انت لينا عريس
ونتهجد ف الليالى ندعى ليك
بالطاعة والعبادة بالأحاسيس
تزيح من قلوبنا سواد الهموم
.......................................
...... د . حسن الشوان 🇪🇬 .....
ليست هناك تعليقات:
إرسال تعليق