أنا حزين.. كلماتى. عــــــــــادل داود.
أنا حزين على قهر الأيام والسنين واللى عملته...... فيا
وكأن الحزن فى الدنيا ادى مابيعشى إلا................. بيا
الفرح إتفرق على كل الناس وباقى الهم.................. ليا
ذنبى إيه وليه وعملت إيه الدنيا مابتردش........... عليا
أنا حزين.ـــــــــــــــــــــــــــــــــــــــــــ
على خذلانى وضياع أمانى وماشوفت يوم....... أفراح
كنت كل يوم أزرع ورود. واجنى منها عذاب... وجراح
حزن مصاحبنى وحاببنى مش عايز مره يقولى. سماح
ليلى بلا فجر عايش الفراق والهجر مفيش ليا... صباح
أنا حزين.ـــــــــــــــــــــــــــــــــــــــــــــ
بقالى ألف سنة مستنى فرحه. لكنها ناسيه.. مابتجيش
وانا فى الحقيقه ميت حى ووحيد وأهل ليا.... مفيش
ولالياحتى صحاب ولا أحباب حتى المال... ماعنديش
والكل جاى عليا بيعذب فيا وحكايتى...... ماتتحكيش
أنا حزين.ـــــــــــــــــــــــــــــــــــــــــــــ
اللى مصبرنى إيمانى بربى وعارف إنه مش.. هينسانى
ظلمونى كتير معندهمش ضميرزودوا همى.. وخذلانى
راضى وشكوتى للقاضى ربى اللى بيه مش...... هعانى
الصبرجبر وصابر لكنى خقى عايزه من ظالم.... جانى
كلماتى
عــــــــــــــــــــــــــــــــــادل داود......
ليست هناك تعليقات:
إرسال تعليق