القانون الدولى
إلى حد أمتى تفضل النفسيه قرفانه و تعبانه
دا القلب من جرحه عمره ماأرتاح فى مكانه
أرحموا الفؤاداللى تعب وقرف من أحزانه
أحس ان الأيام فيها ألام عاوز أدخل الجبانه
حرق وقتل صغير مع كبير الدنيا خربانه
ماعدشى فيه قانون دولى حامى الأسر الغلبانه
بقينا فى غابه فيها ديابه وكلاب سعرانه
الكل ساكت ويعاتب والنار مشعلله جوانه
أطفال بتموت وقنابل ع الرؤس هلكانه
القوى عاوز ياكل ويفترس الضعيف بسنانه
الدول بدوس ع بعضها وماهى دريانه
فين قوانين الامم المتحده اللى ع طول نسيانه
مش عارف الأيام هتكون ع فين وخدانه
ماتت الحنيه بقلوب الإنسانيه والأرض هتكون بلعانه
أنادى ع العقلاء أصحوا وطفوا النار اللى وكلانه
فين الضمير اللى لييه تأثير يوقف الغدر والاهانه
مالقيتشى غير رب الأرض والسماء اللى سامع دعاااانه
الشاعر البدرى ابراهيم عضو نادى أدب جرجا والمنشاه مصر
ليست هناك تعليقات:
إرسال تعليق