حب الحياة شئ يراضيني
دا جزء أصيل من تكويني
يحفظــني ليـه ويخلّــيني
شكراً لله ....
إبن الحلال أهو خيره معاه
دايــماً بيــذكُر إســـم اللــه
في صلاته وف كل حيـاته
ودا يا محلاه ....
إســجد لربـك و إدعـي لـه
يحفظ حياتك م الشياطين
إدعي بس و قول يا معين
رح تلقى عطاه ....
صلي و سلم علـى رسـولك
خليها دايماً نغمة ف قـولك
تلقاه حليفك في حضـورك
قول بس يا الله ....
قـوم صلي إنت على حبيبك
وفي دا السبيل م ح يسيبك
هـــوَّ دواك و هــوَّ طبـيـبك
طول م إنت معاه ....
الدنيـــا للـــه مــش ليـــنا
هــــوَّ خالقـــها توديــــنا
نعـمل فروضـه إللي علينا
جلَّ في علاه ....
دمعة عينـيك غالية يا غالي
دي أمي دايماً كات داعـيالي
يبـارك لـي ربـي ف أعمــالي
بمشيئة الله ....
دي الدنيــا دايــماً واخــدانا
لمتــاهة كبيــرة مـا نفـــعانا
و عشـان كــدة ولا فايــدنا
إذكره تلقاه ....
إرجـع لربـك يا إبـن النــاس
و خـلّي عنـدك بقى إحساس
دي الدنيا مش لهو وخلاص
إرجع لله .....
..... ..... ..... ..... ..... .....
المهندسين في ١٣ / ٤ / ٢٠٢٥م
" حب الحياة "
أغنية من تأليفي :
هشــام عـــلي
..... ..... ..... ..... ..... .....
ليست هناك تعليقات:
إرسال تعليق