"يارب توبة"
لا كُنا يوم مَلايكة
ولا حتى مُبشَرين
عِباد عايشين غَلابة
من صِلصال وطين
ذنوبنا كِترت عَلينا
فوق الكِتاف مَوازين
نِتوب لِيلاتي نِصبح
من الذنوب نَاسيين
نِسمع نَصايح نِطَنش
وودانا من عَجين
مَحْسوبين علىٰ أُمة مُحمد
طُول عُمرنا عَاصيين
واللي نالوا شَفاعته
ف الجَنة مُخلدين
أحضاننا تِتٔرعش بردانة
ودَفاها قرب وحَنين
دموعنا حفرت خدودنا
أنهار وواصلة الوتين
يارب إرضىٰ عَلينا
مهما نِشرب عَطْشانين
يارب توبة نصوحة
وشفاعة يوم الدين
كلماتي:
الشاعر: حليم محمود أبوالعيلة
مصر
ليست هناك تعليقات:
إرسال تعليق