سمر العاشقين
سميري قال يا محمد
بتبكي ليه
وانا مش قادر أتكلم
نظرت إليه
لقيته حاله من حالي
بدمع عنيه
سألت نفسي هل حقا
صعبت عليه
اشرت إليه أن يجلس
يقول ما فيه
فضل واقف هنا جنبي
على قدميه
يبص يمين يبص شمال
من حواليه
كانه مطارد من العسكر
وأنا أهديه
قعد يبكي كما الأطفال
وأنا أواسيه
قال حبيبتي عايزه تقول
أقول أوكيه
تطلب مني تكون شبكتها
خاتم وكوليه
وأبوها كمان راجل طماع
اقولك إيه
عايز مهري دولار أخضر
وليس جنيه
ضحكت بشده من قلبي
وقلت يا بيه
معا نهجر الدنيا بعشاقها
ونعشق ليه
معايا نروح سوا المسجد
نصلي إليه
بقلم
محمد عطاالله عطا ٠ مصر
ليست هناك تعليقات:
إرسال تعليق