***(( رباعيات زجلية غزلية ))***
اعطيتك القلب والنبض صار ملكك
وانت اميرة على قلبي وعلى روحي
من قبل ما عرفتك بروحي عشقتك
من البسمة منك شفيت. جروحي
*******
عشقتك عشقت عيونك الحلوين
ولون شعرك حلو خروبي
منين جبتي هالحلى من وين
للابد ظلك معي وبدروبي
*****
عيون المها في أرض برية
ازهر على خدودك ورد نيسان
وشفاف حمرا حلوة مطلية
تشق القلب بالسكة والفدان
******
شو هالعيون القلب الهن مال
عم بسحروني وبسحروا قلبي
الرب يعطيهن هداة البال
تيظل معهن دائما حبي
*****
دقات قلبي نزلوا للستين
لما هجرتيني مع خدودك
لو ترحميني ما إلي قلبين
سبحان ربي خالق عيونك
*****
ان غبتي عني يوم او يومين
القلب عم بشتاق وبتلوع
النَفَس منك إلي اكسجين
لما أشِمه من العشق بشبع
*****
..بقلمي..ياسين مصطفى بكري.....
ليست هناك تعليقات:
إرسال تعليق