. زفة عروس
شنشلنا الفرس بالذهب
نقصد أهل البنية بالطلب
بلهفتنا تا نزف العروس
من كرام الناس والنسب
جينا لديار العز والفرح
بنسبهم قلبي انشرح
شفت الكرم على اصولو
أبوها سمان الذبايح ذبح
جبنا احمال الزيارة هدية
والكرم عنا عادة مثنية
مابيناتنا فرق و لامنية
هي من عاداتنا والحبية
يابيها اعطينا الصبية
من بيتك لدارنا اغلا بنية
بوعدك رح حطها بعينيً
ونعيش العمر بهنا وسعادة
يابنييّ ياعريس الزين
ومن حواليه الأشابين
الله يكثر المحبين
بالسهرة نغني الموالي
ست الصبايا عروستنا
شبينتها مثل القمر بلمتنا
انشالله بتكمل فرحتنا
بوجود الأهل والغوالي
.. غانم ع الخوري..
ليست هناك تعليقات:
إرسال تعليق