أفديچ بحياتي
أفديچ بحياتي كون إلي ترجعين
وعوضچ بالنظر إخذي نظر عيني
وتحت رجليچ عمري بس عليه تمشين
وخطواتچ ييمه خذيها بسنيني
وعمري مانطيتچ چنتي تحتاجين
ورغم عوزچ ييمه أنتي تنطيني
مامرچ فگر وإيدچ مضيف الضيف
حتىٰ الضيف اليم بابچ يدليني
مايدري ييمه آنه إبن الخير
إبن أمي وأبوي وربي يحميني
يفر بيا الزمن وغيب عَلَيّْ الأحباب
خلاني وحيد الغربه تاذيني
أتذكر صوركم المامسحها فراگ
وجرحني الموت بيكم من يداويني
چذب واحد بعدكم يعوض إلي راح
ولا واحد مثلكم اليسليني
شجاها تضيج هل دنيا مثل الگبور
مدفونين بيها وحيها يرثيني
الشاعر
د. عماد العامري
6/4/2025
ليست هناك تعليقات:
إرسال تعليق