.. خَذَلوني ..
.................
أنا كُنت زمان متشعلق
في حبال
دايبة ومَكنش أساسها
متين
وكُنت بشوف الخلق
مَلايكة
وعُمري مَا شُوفت الناس
بني آدمين
ولا يوم خَوُانت صديق
ولا صَاحب
وكنت بشيلهم
جوه القلب ونن العين
والجيرة حَافظت
عليها
والأهل والأحباب جوايا
عَلطول حَاضرين
عُمري ما قصرت معاهم
ودَايماً كان هَمي رِضَاهم
لكن وبعد دَا كُله
لعَطائي كَانُوا نَاكرين
كان يحّزنهم نَجاحاتي
ولهمومي مبتسمين
أتاريني
كُنت غَشيم
برَغم مَراحل التعليم
مَعرفش
الصَاد مِ المِيم
دايماً أنا حلو معاهم
وهُما مِش حِلوين
أنا كنت زمان واد جن
بكتب أشعار ... وبَفن
وكنت سفير .. للكلمة
وللمعني الراقي ..أحن
وقلمي عُمرة مكان
كداب
معموله ألف حساب
يفتح للحق بيبان
وللباطل يقفل أبواب
واضح
أنا فيا العيب
معرفتش أقرا الغيب
أنا
خَابت كُل أمَالي
ولاَ مَرة
كَانلي نَصيب
قالوا الناس مش وحشين
إنت
مَاتعرف تتعَامل
مَع صَنف البني آدمين
فَبصَمّت
وقُلت آمِين
أنا كُنت زَمان وَاد طَيب
خذلوني
أأقرب ناس
وكمان كل المحيطين ..!
......
بقلمي
د.حمدي توفيق
ليست هناك تعليقات:
إرسال تعليق