أمسيات الحسن. ( دقة ساعات ) . 11/ 5/ 2025
بقلم الشاعر: حسن حلمى
فاكرني لسه ببتسم زى زمان
فاكر
عيوني بضحكة حلوه والسلام
لسه القلوب مشتاقة ليك زى زمان
لسه الحنين جوانا يرسلك سلام
شوف قد ايه دقة ساعات
وأحسب لي كام من العمر فات
طب
هاتلي وياك وأنت راجع عمر وفات
اوحتى لملم يوم جراحي من سكات
ليه تفتح الجرح القديم لما مات
ليه تصحى جوايا أنين الذكريات
ما نسيتك
أنت يوم ماقلت بيوم وداع
ونسيت كمان
قد ايه من العمر ضاع
حتى السنين ملهاش حساب
وقت الوداع
ولا
حتى لمسة من أيدك بالعتاب
حسيت
ساعتها قد ايه الوقت من ضاع
بعد ما شيبنها وانتهينا من سكات
راجع تصحى جوه مني الذكريات
وتفتح الجرح القديم لما مات
ما خلاص كويته بجمر مر دا الزمان
وكمان شربت الكأس بمره لما مال
ولا حد شاف
بعيوني دمعة على اللى فات
ولا حتى
حسوا بالوجع وقت الأهات
طب
هاتلي وياك وأنت راجع عمر وفات
اوحتى لملم يوم جراحي من سكات
بقلم الشاعر :حسن حلمى
ليست هناك تعليقات:
إرسال تعليق