===== الحب دا غلب =====
أول مرة وآخر
مرة عنت أحب
ياما سهرت
وتحيرت
بلا وجع دماغ
بلا وجع القلب
كان الفكر
علطول مشغول
وأكلم نفسي
وشفت الغلب
دلوقتي خلاص
راح أنام وارتاح
والدنيا قدامي
حلوه براح
كفاية المر
شربته شرب
يبعد عني
كنت أتجنن
والعقل معاه
ديما سارح
والبال حبة يرتاح
وحبة يتعكنن
وانسى الدنيا
ساعة القرب
دلوقتي خلاص
اتعودت بعاده
ونسيت حتى
وقته وميعاده
ورضيت بنصيبي
وارتاح القلب
أنا خلاص
ما بقتشي أفكر
وانسيت كل
كلامه السكر
وارجع تاني
وأقول مش هقدر
بعده عني
واتمني من
تاني المرار
والغُلب
بقلمي
صلاح شعبان الفيداوي
القاهرة
١٢/٧/٢٠٢٥
ليست هناك تعليقات:
إرسال تعليق