قضية حب
علقت بين أمي وبية وصارت صعبة القضية
قالوا لي يامجنون وين رايح هالطريق كلو عتمة
قلتلن هالطريق سهل كتير كلو والله حنية
قالوا لي لاتجن كتير علينا عنَا أحلى صبية
قلتلن مابريد غيرا هيه نور عينية
قالوا لي هادي صعبة مابتلزملك يابنية
قلتلن مافي منها بتسوى الدنيا ومافيه
قالوا تروى يامغرور هادي بنت فجة مدنية
قلتلن حبي وحياتي عملتلي المدينة ضيعة
قالوا تروى تروى ياولد بعدك طايش بولدنة
قلتلن وجعني قلبي الولدنة حلوة كتير مع أجمل وأطيب نفسية
قالوا لي حبك أعمى بعدك ولد مابتعرف بالدنيا كتير
قلتلن ياعيني عالعميان وحبهم بروح الضرير
هالبنت طيوبة كتير متلا والله مابيصير
هيي نبضات قلبي وأنفاس رئتي بغار عليها كتير كتير
هيي الروح وهيي العين رح إبقى حبَا بضمير
شو ماطلبت مابقول لا وبمشيَا عالحرير
قالوا لي بعدك صغير بعقل وولدنة يافقير
رح تبقى عايش حياتك معها بقل وفقر وتعتير
قلتلن مافي أحلى من عيشة الفقر مع حبيبة العمر
بابا وماما أنتوا كتير والله عليي غاليين
أنتوا أغلى الغوالي أنتوا الضي ونور العين
رح تشوفوني بالحياة أنا وحبيبتي أحلى اثنين
🌹💚🌹
بقلمي حسين محمد دلول
٦\٧\٢٠٢٥
ليست هناك تعليقات:
إرسال تعليق