دنيا المراجيح
/// *** ///
نزلت في دنية المراجيح
وناس عايشة ك عفش في ريح
عمد رجالة ومشايخ
كلامهم كيف متطلق ريح
تلاقي العمة ست أمتار
وشنب في رسمتة تحتار
ولما تزنقة تلاقية
بيتلون كيف ال صغار
بلدنا هايصة في الهيصة
ونص الناس بتسهد زور
وربع بلدنا بيجامل
وربع الناس علية بتجور
بقت تدفع ووياك كام
وتعرف مين! ؟
واكلهم لحوم حمرا
وبرضة سمين
تاخد منهم علي كيفك
شمال ويمين
لاكن الحق في بلدنا
سافر ع الصين
// دنيا المراجيح من ديوان الوسادة
الشاعر البدري صابر شحاته
نائب اتحاد الصعد العربي الثقافي
ليست هناك تعليقات:
إرسال تعليق