غيرت عنواني
شايفني ضعيفة
في حبك عايشة مربوطة
و بسترضى بكلمة حب
تفرَّح بيها وجداني
فعيش بالحلم مبسوطة
وهتطبطب على كتافي
يفيض قلبي ببحر حنان
يكفي الكل وبيطرح
سنين بالحب مخلوطة
فرشت القلب يوم أشواق
عليه تمشي وتتمختر
فطرحت منه أيامك
سنين دافية بلون أخضر
وغنيت بالأمان مواويل
على عودي عزفها النيل
فمالت ع الشجر أغصان
طيورها تراقب الأيام
وتستنى في أعشاشها
و تنسج بالورود ألحان
كبر عمري وأحلامي
أشوف الحب.. وماألاقي
وتتخبط أمانيا
ف اقول للعمر إيه باقي
يادنيا ليه طردتيني؟
داحضنك ساع كتير غيري
وجه عندي وقفل الباب
وعاملني كمان ميري
لكنك بردو (جاهلاني)
وعزة نفسي معروفة
لاعمري أدق ع الأبواب
ولا أحزاني مكشوفة
وحلمي في حضنك الممنوع
هشخبط فيه بألواني
وهرسم باب يليق بيا
وأقول غيَّرت عنواني
بقلمي / هدى بدوي
ليست هناك تعليقات:
إرسال تعليق