الرفوف
كنتي روحي ونبض قلبي
فجر بكرة وفرحة جاية
نسمة حلوة ساعة العصاري
بدر الليالي قصاد عينيا
بلسم جروحي عشي ودوحي
كنتي عندي بالدنيا دية
وطن وغالي حضن لأمالي
صبر الليالي واجمل هدية
دلوقتي بدرك لو أتاني
ازاي اشوفه ما اقدرش اشوف
لأن بدرك كان أناني
واتدارى مني ساعة الخسوف
سابني وساب نفس الحروف
جوايا لسة وجواها خوف
العمر ضاع ونفس الظروف
خلاص كتبت ومليتي الرفوف
يحيى حسين القاهرة
30 أغسطس 2025
ليست هناك تعليقات:
إرسال تعليق