زمن الفئران
لما الفيرآن تصبح اسود
لما التراب يصبح برود
لما الحجارة تصبح قنابل
لما طفل رضيع يموت
فحضن أمه ولا ابوه
والنهار يطلع يلاقى
الف مدفع يمنعوه
فوق حطان القدس دم
تحكى قصة مليون شهيد
والدموع فى عيون كل ام
تبكى تصرخ عالوليد
والرصاص اللى طالع مالمدافع
مش مهم عمر الشهيد
المهم يكون فقلبه شايل هلال أو صليب
مش مهم عمره ستة
ولا خمسة أو يومين
المهم يكون محمد أو حسين
أو جرجس أو صليب
المهم مايكونش كهين
اويشع ابن يمين
المهم يكون عقال
ويكون عربى اللسان
والرمال مالظلم تصرخ
فين العرب على فين ريحين؟
فى الرمال العيون مدفونه
وبصمغ عربى أصيل الودان مسدوده
والولاد عالصخور تتكسر ضلعهم
والادين تنقطع
لأجل ماتقدر تمسك حجر
والطفل من حضن أمه ينخطف
قدام عنيها يندبح
والصراخ جو الصدور ينحبس
والدموع مالعيون تنزل
تصبح خناجر تنزرع
تطرح سيوف تنتظر
فارس همام يحارب ينتصر
لكن منين؟
والجمال صبحت نيوق
والفيران صبحت اسود
والملوك صبحم عبيد
بس بكرة جاى نهار
جاى فارس مش جبان
وحياة ميلاد المسيح
وأول قبلة ليك يا محمد
ليعود القدس لحضن الامه
واذان يلف القدس والكعبة
والولاد فصحن الأقصى
تحفظ يس والبقرة
كلمات
ناصر السيد عبدالرحيم
ليست هناك تعليقات:
إرسال تعليق