فارس أحلامك
انا الساكن فى اوهامك
وانا الفارس لأحلامك
ومهما هتبعد المسافات
تلاقى سيرتى فى كلامك
انا قدرك وانا نصيبك
انا حلمك وانا حبيبك
ولا عمرى راح انساكى
وانسى الدنيا الاكى
بحبك حب مالو حدود
ماتمنعنى جبال وسدود
وقلبى داب مع هواكى
فى احلامك انا موجود
قلوبنا فى الهوا بتقول
ده عشق والله مش معقول
ياقمره فى السما عاليه
وشعرك فى الفضا مفرود
ورود طارحه بتتراقص
وتتمايل فى احلى خدود
فى احلامى انادى لك
ونجم الليل علينا شهود
ورغم البُخل فى غرامك
انا ف عقلك والهامك
وانا الفارس لأحلامك
شعر أحمد اسماعيل / شاعر العرب
ليست هناك تعليقات:
إرسال تعليق