نيلك يامصر
يامصر نيلك ميته
كإنها بركان دموع
ماشى بتصرخ خطوته
صرخة تسمع ف الضلوع
بيقول ياغالية رايحة فين
وفين ولادك الطيبين
ليه كل شئ كان حلو فيك
دلوقتى ليه أصبح مرار
ليه كل فرح راح من عينيك
والخوف يخبط على كل دار
ياحبيبتى قولى رايحة فين
وراحوا فين الطيبين
كانت القلوب زى الحليب
صافية م عكرهاش غريب
خايف عليك وع الولاد
خايف على شمسك تغيب
قولى ياغالية رايحة فين
وفين ولادك الطيبين
كنا يا أمى صغيرين
كنا ف حضنك دفيانين
كنا بنصحى الفجر بدرى
ونصحى شمسك فرحانين
ياحبيبتى ياغالية رايحة فين
وفين ولادك الطيبين
اسمك يا طاهرة ف قرآنك وانجيلك
ياللى رويتى الكل من نيلك
ومهما خدتنا الغربة بنجيلك
يحميك يامصر والله بدعيلك
والله بدعيلك...
بقلمى
سعيد مراد
ليست هناك تعليقات:
إرسال تعليق