لسه بتقولى كلام
فى الحب وتلومى ملام
وبتشكى من ليلة سهر
وعنيكى ما شافت منام
ايه غيرك بتغيرى
توبك وتفكيرك اوام
بتخافى من ساعة فراق
وتعذبك ثانية خصام
وبكل شوق خبطتى بابى
ورق صوتك فى الكلام
وبتسالى عنى صحابى
بكل تقدير واحترام
ايه غيرك والحب كان
بتمرى بيه مر الكرام
من يوم ما شفتك ورده نايمه
وشمعه بتخاف الضلام
تفتكرى والا افكرك
وانا كنت فى حال انعدام
وابعت واقول مستنظرك
لوحتى فى ليلة غمام
دلوقت عايز اسالك
فى الحب انا ناقص علام
خلينى سطر ف دفترك
تفتكرى بيه موعد غرام
سمير الدسوقى
..........
ليست هناك تعليقات:
إرسال تعليق