...... عاشق تُراب الوطن .......
حُب الوطن كان راسماله
عاشق تُراب الوطن ورِماله
كان بيداوى بيه جواه الأنين
وعاش حياته على قد حاله
ولا طمع فى الوطن وماله
ولا قدم فاتوره بنتايج أعماله
عاش وسط الشعب بلا تمييز
شقى وتعب وأمتلك ملايين
بعرقه وشقاه بنى ادم عزيز
عاش شامخ النفس فى الكون
وعاش فقير فى حضن أمواله
كرامة الوطن جواه بساتين
زرع وحصد وصاحب الصبر
وشق الأرض البوور بالإخلاص
حوول المُر الى سكر بالفكر
وكان عقله فوواتير فى كراس
وصال وجال من حُر ماله
وكرامة الوطن جواه نبراس
الضحكه كانت فى حُضن وشه
والإيمان جوه قلبه ساكن
وكانت الكاميرات خلف رِمشه
ُتُلقط خبايا كل الاماكن
ولا عمره أشتكى من أحواله
وكان يكره الحُزن وأفعاله
وأُمنياته يحقق للوطن أماله
ويبقا تاريخه نور لكل الناس
........................................
...... د. حسن الشوان 🇪🇬 .......
ليست هناك تعليقات:
إرسال تعليق