♕ وجيتي منين ♕ بقلم الشاعر : هشام علي

 وجيتي منين ما نيش عارف

طفيتي النور ومش شايف

غير بس البدر قصاد عيني

يراعيني يلاغيني ....

يحط البسمة على شفايف

وأنا أتاريني مش خايف

ما دمت سعيد بلمساتِك

لقيتِك جنة في حياتي

تغّطيني ... تدفّيني

تجَّري الدم في شراييني

و ليه ؟! ...

و أوصافِك قصاد عيني

تلاغيني .. تلاقيني 

تبدِّل كل م في عيوني

تحول همي و أنيني

و أنا إللي كنت قال مشتاق

وإنتي جيتي بدلتيني

حبيبتي نور جَرىَ لعيني

يا ساكناني بوتيني

يقولوا الناس علينا كلام

وإنتي بس ضيا عيني

وكل م بقول عليكي كلام 

بلاقي شعور مدفّيني

خلاص آمنت أنا بحبِك

و رايحة لفين و سيبتيني

دا أنا أصبحت بيكي وحيد

لإنك شئ في تكويني

خلاص هاتي معاكي الورد

وهاتي كمان الدفا م البرد

و إوعي تكوني سايبة العيد

لناس تانية هناك ع الأرض

..... ..... ..... ..... ..... .....

  المهندسين في ٢٥ / ١٠ / ٢٠٢٥م

     " وجيتي منين ... ؟؟؟!! "

    شــــــعـر : هشــــام عـــلي 

..... ..... ..... ..... ..... .....