حكاية بتنكتب مع كل مكان
×××××××××××××××××××
وفضلت الحكاية ..........بيرويها فينا الزمان
وقصة جوه رواية............ بتنكتب لينا بأتقان
وكان يا ما كان حكاية وضيعتِها ويا الحرمان
وثانى ثانى ثانى... راح مننا المكان والعنوان
والعمر جرى وعدى ........وسرق مننا الأمان
والطبع أتغير فينا و القلوب ركَبها الصولجان
والروح كرهت ........وهانت عليها اللي هان
واتلخبطت دموع الثمثيل ويا حقيقة الأحزان
وباتت الأشجان............. تعاتب حرقة الكتمان
وعيون المفسدين. بتراقب فينا نشاذ الألحان
والصورة مهزوزة بالأصل ...وبرَسمة الأنسان
والكلمة طالعة مخنوقة واللي خنقها الأُلعبان
بيحفر في الهمس............... وبيهد عتبة البيبان
وحتفضل الحكاية يروها أجيال الأنس والجان
طول ما النقص موجود...... في أساس الأركان
والدنيا ماشية بالمقلوب والأصل هو اللي خان
والحكمة فينا قالت......... يحيا طريق الهجران
والنغمة فينا نشاذ....... وَعِرفنا صوت الخُذلان
ونادينا بصوت الحق.... وَنَسانا كمان النسيان
والحَسرة ملت نفوس عصرها خيبة النَدمان
وَفضلت الحكاية............. بيرويها فينا الزمان
بقلمي
أديب وشاعر مهندس/محمدعوض
29/10/2025
ليست هناك تعليقات:
إرسال تعليق