وحده بوحده
□□■□□
جي تشكيلي أوجاعك
وعن إللي خانك وباعك
و شربك المر والأهات
ونسيت إنك عملته زمان معايا
عرفت إن الدنيا صغيره
وزي متخون راح تتخان
أصل الدنيا مالها أمان
وفيه بشر مش إنسان
لونسيت إللي عملته فينا
جه إللي يفكرك بيه
وبكي قلبك قبل عنيك
زي ماغدرة بيه غدر بيك
وحده بوحده وإنت إللي باديت
إتحمل بقي إللي يجري ليك
دلوقتي جي بتبكي من عنيك
انت السبب والحق عليك
دلوقتي لك قلب وإحساس
كان فيه لما جرحت اغالي الناس
إنتظرت اللحظه دى من سنين
تجي وتبكي بدمع العين
وتعرف إللي حبك مين
وإتحمل منك ياما كتير
أوعي تفتكر إني فيك شمتان
لا .. جوه قلبي علشانك بركان
إنت الحب اللي كان وما زال
ويقدر يسمحك مهما كان
▪▪▪
وحده بوحده
بقلم/ الشاعر محمد عامر
1/7/2020 ... الثلاثاء
ليست هناك تعليقات:
إرسال تعليق