محلاها عيشة الفلاح
بقلمي
جلال محمد
..........
بيقولو
محلاها عيشة الفلاح
ياولداه شارب المر
والعناء والكفاح
بيصحي من فجر ربه
قاصدغيطه وارضه
وغرقان ف الطين
علشان يعرف يعيش
ويأكل ولاده العيش
بيقلع ويزرع
ف عزالنار
وبردالشتا
الكماوي اصبح نار
إيشي بوتاسيوم
وإيشي نترات
دي عيشة الذلات
حياته بقت صعبه
الفلاح شارب المرار
بجدمش بهزار
ويجي ٱخرالموسم
يدوبك يعرف يتحصل
علي كام شيكاره
يسندوه ف الايام الغداره
ويقولو
محلاها عيشة الفلاح
عيشة الفلاح كانت متهنيه
زمان لما كانت الارض لسه عفيه
بتنتج من غيرالتعب
تعالوا النهارده شفوه
بيقضي كل يومه ف ارضه
علشان يقدريجيب
أكل بيته
.........
جلال محمد
٢٠٢٠/٨/٣٠
ليست هناك تعليقات:
إرسال تعليق