طحت وصفيت اتراب والسحكوني شمات
داسو علي بجدامهم لحد ما طلعو الفات
.
.
كمت ونفضت التراب ورتبت وضعي
وتبريت من الكل حتى من اعز ربعي
.
.
عليش احسب بعد احساب للمايسوه احساب
مابيهم وفه ولازود كلهم وهم الباب جذاب
.
.
دكت دغش دكت جفهم من دكو بابي
على فطرتي وعبالي دكت احبابي
.
.
اثاري هاس الناس مكسومه نصين
نص يدور دسم ونص حجاي وجهين
.
.
اخذت الدرس وتعلمت من طيحتي
ماينفع التحشيم بطلي المحنه يروحتي
.
.
انطويت وصرت وحيد وبحدتي راضي
احسن الي ولا اشوف محروكه اوراقي
.
.
صح الوحده تكتل وتحصر الدلال
ولكن احسن بهواي من عشرت العذال
.
.
.
((دارمي مربوط )))
.
.
#عامر الجبوري
ليست هناك تعليقات:
إرسال تعليق