& وين اكو بحلاتك .. بالبغدادية & بقلم الشاعر : خالد المهداوي

 من الموصل جيتكم اتعنى يااهل الناصرية.. 

وينكم يااهل السماوة واهل الديوانية.. 

معروفين بالكرم والطيبة.. 

ومضايفكم مليانة يومية.. 

ماتردون خاطر آبد ودوم دلتكم عالجمرية..

انتخيت شيوخ النجف وشيوخ بعقوبة الحمية.. 

بحق دم الحسين والزيارة الاربعينية.. 

اريدكم وياي توكفون بهالشدة وهالبلية ... 

هويت وقلبي مليان حنية.. 

وتدرون القلب من يهوى مو بالكيف هيه.. 

ابوها ماينطي وابن عمها محير الابنية... 

بكل قلب نظيف وصافية النية.. 

اريدها وهي تريدني حلوها شلون تالية.. 

اريد منكم اسمع احلى خبرية.. 

ومعذورة البنت شكو بيدها خطية.. 

يغصبوها غصب وبالدموع مكضية ليلية.. 

آعوف روحي وماآعوف الغالية.. 

ام قلب الكبير مليان طيبة وحنية.. 

والله لآسويلك عرس تتباها بيه الدنية... 

وخلي كل العالم يسمع من آستراليا لامريكا الاتينية.. 

والله لو تفتر كل الكون ماتلكي آبد بحلات العراقية.. 

آجمل من الكمر ومعطرة باجمل عطر وخدودها وردية.. 

وين اكو بحلاتك يالبغدادية.. 

بقلمي..خالد المهداوي.