افتح كتاب اقفل كتاب
سلم ورقتك انتهي
زمن الجواب
شوف النتيجه
والحساب
وقت الاجابه كان
مناسب
واللى انت غلطان
فى الحساب
راجع كتابك
طب بس شوف
كل الصحف متسجله
صوت وصورة
زمن الولادة حتي الممات
والشهود من اصل نفسك
ايدك ورجلك
وجميع حواسك
حتى جلدك
حتى قرينك
كل ده جاهز يوقع
ع اللي شافه
كان عليك أو معاك
نبدأ بأيه بالصلا
واللي الزكاة
والصيام إخباره ايه
والحج طبعا والجهاد
كل ده له ألف فرع
والف بند والف باب
صلة الرحم ووالولاد
وابوك وامك والزوجة
طبعا واللسان والجيران
والصغائر والكبائر
واللمم والذنوب والسيئات
طب والحقوق والواجبات
وقذف حتي المحصنات
والتنصت والنظر
والحرام والحلال ف الكلام
قبل دا كله كمان
العقيده اخبارها ايه
والاعتقاد والأسماء
والصفات
واليقين والظن
فى الله الكريم
اوعاك تخاف
وانت بتعبد
ارحم رحيم
راح يجبر النقص
اللي عندك
ويزودك ف الميزان
هوه الكريم والشفاعه
راح تطولك
ويقبل دعوة حبيبك
النبي العدنان
هوه مش راح يسيبك
الا وانت في الجنان
ياله شمر عن سواعدك
وابدا التوبه النصوح
واللي فاضل من حياتك
أجبر العجز اللي فات
والقبول ده شئ اكيد
شرط العمل
مايكون معاه اي شريك
خلي اخلاصك تملي
هوه عنوان الحياة
وحيد على الجمال
ليست هناك تعليقات:
إرسال تعليق