( ضي القمر )
للشاعر // سعيد حسان
هتعمل إيه ياالحبيب لو كنت ف مكاني
وقع القمر م السما وانت استلقيته
قال القمر فرصتي ومفيش قمر تاني
ولما شافك بٱوصافك ياللي إنت غاويته
طلع القمر للسما ونداك وناداني
واحتار دليلي وطال ليلي ولاغيته
وقلت يادي القمر حركت ٱشجاني
مالك ومال الحبيب قام قاللي حبيته
قلت الحقوا يا ناس ٱصل العزول جاني
من كتر خوفى شاورت عليه وناديته
سابني ولاف عالحبيب يا حزني آه ياني
جرالك ٱيه يا قمر ؟! قال والله منسيته
سايب النجوم ف السما وجي علشاني
ٱنا شوفت منك عجب والحلم هديته
وزاد جناني ونار الغيرة كوياني
ضي القمر شدني و خادني ٱزور بيته
وصلت بيت الحبيب والسعد وافاني
فتحلي بابه وحياني وحييته
وقعت تانى ف هواه برضه استلقاني
قاللي إنت ساكن هنا قلبي اللي هنيته
( ضي القمر )
للشاعر// سعيد حسان
ليست هناك تعليقات:
إرسال تعليق