/ادواير ااااالزمان
--------------------/
(زجل)
عديتها بالفرادي
عديتها بالمثنى
*عديتها باصباعي عشرة
عديت النجوم ما احصيتها
عديت لهموم اجبرتها شلا
عديت لفراح اجبرتها كمشة
ارميت افراشي اجمعت راسي اجمعتو في خنشة و امشيت
فين راك يا ازهر فينك يا اصكع
غير بان غير بان عاهد الله عليك
*لا كَمرة بان اشعاها أمل!
اخذاتني الحسرة اتنهدت ابكيت!
اخذاتني الفرحة نحسابها ااتدوم!
عديت ليام اجبرتها ااااطويلة
اوعديت ليام اجبرتها قصيرة
راح الشباب جاني الشيب كبة
افرحت قلت الشيب من لوقر
*جبرتو ضحكة ضحكت بانيابها!
والغادي و الغادي ابعيد اديني امعاك!
اكلينا واشربنا ألعبنا ملي كان الريال!
اتقوس الضهر و اشرينا العكاز غالي!
اضحكتا و افرحنا بارجل قلنا زايدة!
*زادتني اهموم على اهموم كثرت لمحاين!
عديتها بالفرادي
عديتها بالمثنى
اجبرتها ماشية
وامشيت مع تخمامي هاذي الهيه هاذي اهنا!
كان الله او باقي الله
سعدات فاعل الخير
سعداتو ما اااايخيب
رممت لديار الراشية
عارف..لوقات فانية!
هادنت النفس تجبر
زادت فالجهالة زادت
وا بابا وا بابا........غير ساعف اوكان
ارماتنا الريح قشة لعبت بنا اموالفة
*الى اقطعنا الواد نتلاقاو في راس العين!
انت ابكي انا نبكي انوردو لبيار الواكحة!
واعباس وا عباس سير سير طال الزمان جاتنا الضربة فالراس علاش امخاصمين
( يستمر العتاب دائما نفرح و نبكي)
العابد عبد الرحيم: 15/11/2020
الفقيه بن صالح تكتب وتكتب و تسجل.
ليست هناك تعليقات:
إرسال تعليق