إنتهي وقت العتاب
خسارة العمر إللى ضاع معاك
والفرح إللى محستوش وياك
والقلب إللى إتمناك وبني لك
تمثال وكنت في عيني ملاك
وتمنيت تتحقق معاك كل
الأحلام
يا خسارة محستشي جمبك
بالأمان وكلامك ليا كان
أوهام ملاقتشي في حضنك
الدفا وأيامي معاك كانت
جفا وإهمالك ليا وظلمك فيا
كسر قلبي وتحطم التمثال
وضاعت كل الأحلام وراح
الحب وكأنو مكان جاي ليه
إسكت متكلمش وبلاش
عتاب بلاش ملامة مشفتش
منك غير الخيانة فاكر
كم مرة خنتني كم مرة
جرحتي وظلمتني كنت
حاسة وصابرة وساكتة ولما
أبصلهم كنت بشوفك في
عيونهم وأسمعك بتكلمهم
وأتحمل نظراتهم
وهمساتهم حتي سخافتهم
وأصبر وأتحمل ولما
يسألوني عنك بضحك ومن
جوايا بتألم كنت نور
عينية وكل ما ليا
خسارة مّشفتش منك حنية
وخلتني أخاف من كل
الناس وأعيش فى وحدة
ولما أمشي أدعي وأقول
يارب مأشوفك مع إنسانة
تانية وأنا عمري يوم
مزعلتك وصونت حبك
وكنت بفرح لفرحك وحبي
لك ومكنشي حب عادي
كان حب خيالي صعب
تلاقية مع إنسانه تانية
يا خسارة حبي كان كبير
عليك وقلبي خسارة
فيك وجرحك فيا قوي
خلا قلبي قوي ومات
جوايا أجمل إحساس
ومتستغربش قلبي مبقاش
ضعيف وعرف من غيرك
إزاي يعيش ومش فارق
معاة رجوع وعايش مرتاح
لا فرحان ولا موجوع
وراضي تقتله الوحدة
والهموم ولا يعيش يوم
معاك مقهور وبقولك لو
الجنة جمبك هعيش فى
نار بعيد عندك ولا أعيش
تاني فى عذاب ومرار مش
عاوزة يجمعنا مكان وفر
كلامك وأمسح دموعك
معدشي جوايا شيء
أدهولك ياااااة دارت الأيام
وبتبكي قدامي دة إنت
كان بيحلا لك عذابي إبكي
وكفر عن ذنوبك ومهما
بكيت وللدنيا إشتكيت
قلبي رافض رجوعك
عاوزنا نرجع ذي زمان
إنت عايش في أوهام
وماتت معاك كل الأحلام
خسارة محستشي معاك
بالأمان وخلاص فات المعاد
وإنتهي وقت العتاب
بقلم/ هشام محفوظ
ليست هناك تعليقات:
إرسال تعليق