**الكلمه الحلوه**
الكلمه الحلوه بقولها
وببل بيها لسانى
والكلمه الوحشه
مابسمعها
وبسد منها ودانى
ولا عمرى بطرت
على النعمه
لو لقمه بجبنه قريش
ولا عمرى قعدت
على القهوه
ولا عمرى شربت سيجاره
وطول عمرى مشمر درعاتى
ومن الفجر بفتح دكانى
وبسمى والرزق على الله
وطول عمرى ماشى لحالى
ولا ابص للقمه غيرى
وانا ديما ببقه على
على العشره
ولا بمشى مع واحد
قشره
وكلامه كله كلام
فاضى
وعامل فيها ياناس قاضى
وده حالى مع نفسى وحالى
مهو ابويا اصلا ربانى
على انى اصون العشره
واقول الكلمه بتأنى
ولا يزل منها لسانى
****
بقلم شاعر الغلابه
حسن نبيه خضير
ليست هناك تعليقات:
إرسال تعليق