أنا فين...
عاطف كبارة
...............
أنا فين مني
أنا فين منك
ليه مش عارف
أيام سني
بتقول إنك
تيار جارف
أنا فين
...........
أحلم بعنيكي
تفرحني...
الفرحة تفوت
من قدامي...
تضحك ف عنيا
وتجرحني...
وف ثانية بتاخد
أحلامي...
...................
أيام وشموع
تبعد عني
وباقول قسمة...
وف بحر دموع
أنا مستني
تيجي البسمة...
...........
أنا زي ماكون
وسط الصحرا
باحلم بالضلة وبالمية
تقف الأحلام
قدام صخرة
ترجعلي دموع
تملا عنيا...
أنا فين مني
أنا فين منك
ليه مش عارف
أيام سني
بتقول إنك
تيار جارف
أنا فين
عاطف كبارة
ليست هناك تعليقات:
إرسال تعليق