آآآآه ياأمي
والله وحشني حضنك
ياللي فردة شراع تاريخك على الزمان
فارضة نفسك على الجعرافيا والمكان
ياللي على أرضك انحني
كل من له صولجان
ياأم الهرم والنيل
وشطوط ماليها مثيل
تتوضي بالمووايل
تعشقي سهر الليل
بنسيمك العليل
تشفي القلب العليل
ليكي القلوب بتميل
عروسة وبنت أصول
والقلب بيها مشغول
ياأم الحنان ياأمي
محتاج لك تضمي
وتضمدي جراحي
ياأمي نسيت أسمي
ياريتك تلملمي
كل اللي باقي مني
تايه ومالي عنوان
يتيم وانت الأمان
أرويني بالحنان
فاكره أيام زمان
وحكاوي كان ياما كان
لا فرن ولا فران
والخير فى كل مكان
فاكره ليالي رمضان
وانت وكل الجيران
كان الجميع سهران
فى انتظار الأدان
ومسحراتي فنان
ومحطة القرآن
طبخة أيه ياام فلان
ونوزع عالجيران
وهما يوزعوا كمان
مايبات واحد جعان
حسه أني زعلان
أيوه ياامه زعلان
كل اللي قولته دا كان
اليوم ماعاد فى أمان
ولا حتى في جيران
ولا أهل ولا خلان
فكرتك باللي فات
وليالي الذكريات
مش سامع ليك صوت
وانا فى حالة موت
على ضهري الكل بيفوت
كل المنى يبقى حوت
زمن المليم راح
جه زمن المليارات
زاد فى جسدي الجراح
ودوايا بالدولارات
راح ابطل ياأما نواح
ولا هبكي عالي راح
(((أسامه جديانه)))
ليست هناك تعليقات:
إرسال تعليق