أنا مين؟
إحنا إيه يا زمن
غير حبة أيام
نصحي كل يوم
علي الفرح
يلحقنا الحزن
قبل ما بنام
نرسم خطاوينا وحلمنا
يجي عمرنا ينتهي
كلام في كلام
لا إنت أناولا كنت هنا
ولا حد ساب لينا السلام
لا دا شكلناولا دا حلمنا
ما الحق علينا
إتعودنا الفرح من الأيام
شوفت الجنه رسمت الحنه
علي جناح عصفور
جالي في المنام
حلمت يوم بالفرح
خدوه وسابولي الترح
وقالوا علي قدك
وإيدك علي خدك
حلمت بالفلوس
لقيت ناس علي
ناس بتدوس
حلمت بالاماني ويا الأغاني
لقيتك زعلت يازماني
ورحت واخد مكاني
وإديته واحد تاني
حلمت بالعيال واللقمه الحلال
والحلوه أم خلخال
أم برقع وشال
وقلت يا أم الدلال
طلعت راجل
وبعد المصيبه
قلت مين؟ قال
أنا زمانك وأنت زماني
وفضلت أدور عليا
لقيتني بأصحي
واحد تاني
عبد الفتاح عبد الرحمن والي
ليست هناك تعليقات:
إرسال تعليق