تحت السما...
عاطف كبارة
"""""""""
تحت السما
اللي إنتي فيها...
فوق الأرض
اللي بتمشي عليها...
قصاد البيت
اللي بتسكنيه...
عند المكان
اللي بتحبيه...
ف قلب المطر
والسيول...
فوق الجبال
والسهول...
وسط الجناين
والصحاري...
جوا بردي
ف قلب ناري...
وقت فرحي
ودمع حزني...
عند جرحي
تبقي حضني...
وف نهارك وف مساكي
المهم أكون معاكي...
أسمعك وتسمعيني
أكلمك وتكلميني
تفهميني...
جنب قلبك وإنتي جنبي
حاملك الدنيا وما فيها
المهم أكون معاكي...
تحت السما
اللي إنتي فيها...
فوق الأرض
اللي بتمشي عليها...
عاطف كبارة
ليست هناك تعليقات:
إرسال تعليق