( جنني..هوآه )
انا حُبك وانت حبي قلبي ملكك وكلي ليك
ياكل حاجه حلوه في حياتي قلبي شاريك
كل لمسه وكل همسة بيني وبينك بتفكرني بيك
يانبض قلبي.وروحي وعقلي يكفيني نظره.من عنيك
حبيبي حبي ليك مهواش حب عادي..
وعشقك خلاني عاشق مجنون مش هادي
وغرامك حبيبي خلاَّني في نعيم وانا بين ايديك
عاشق عيونك والعشق خلاني فراشه بين الزهور
وابتسامة شفايفك غردت ليها البلابل وغنت ليها الطيور
ياللي جمالك رباني وحنانك للهنا وداني
لدنيا الحب والأفراح بعد ماكنت وحداني
يا اجمل حب شوفته في نظرة عيونك
خلاني اتمنيت أكون كحل ساكن بين جفونك
أوصف ايه ولاَّ ايه حبيبي بعد ماجنني هواك
ودقات قلبي بتنطق اسمك وانا وياك
روحي عايشه فيك يا أجمل حب في الوجود
خليت حياتي مليانه فرح وسعاده وهنا وورود
يامعيشني في جنه جميله مفروشه بالزهور والحنه
خواطر ( اشرف الدغيدي )
حقوق الملكية محفوظه
ليست هناك تعليقات:
إرسال تعليق