بيني وبينك بلاد..................
بيني وبينك بلاد يا مين يوديني
لو تنطوي المسافات او تقوم عاصفة حداك ترميني
او حتى تنزل سحابة من جوا السماء ليك توديني
قتلني الشوق ولهيب حبك في الحشاء بيكويني
سنين العمر بتفوت وتعدي علي عيني
خايف في بعدك اموت ولا تفرح بشوفتك عيني
ساءلت اهل الهوى يعمل ايه ال حبيبه بعيد
قالو ياعم اصبر والصبر جميل
اناقلت اشتري الصبر وازرعه فدادين
قالوا لا مش كده الصبر حب ورضا ويقين
يمكن تجيك العناية صدفة في اخر الليل
تجلي وسعد وهنا وتنول الوصال يازين
عشقك للحبيب مش حرام ولا عيب
للقلوب مفاتيح ومفاتيح القلوب مصابيح
بتنور زي القمر والنجوم في ظلام الليل
يابخته ال توضيء وصلى ركعتين في اخر الليل
ونادى في السجود يا ودود يارب سليمان وداود
لي حبيب في كونك موجود يارب ابعثه لي او حداه توديني
نفسي ازوره واصلي في الحرمين
وتشبع عيني
هذا رسول الله فاشبعي ياعين
بعد صبر منال
وماخاب من طلب والح علي رب العالمين
/علي خليفه ابو كريمه
ليست هناك تعليقات:
إرسال تعليق