مادام كلامي ما يمشيش
يولّي الواحد يسكت خير
نكتب شعري وما تقريش
خسارة المعنى و التّعبير
موش الشعر لبيه نعيش
ولا نقول شاعر كبير
السّاحة ڨاتلها التّهميش
يلزمك تقرب للمدير
باش كلامك ما يرميش
و في المجموعة ليه يشير
نحن ماجر و فراشيش
مدفونين في قاع البير
نخبّي شعري ما نورّيش
و لافايدة في التعزير
نڨعد ساكت ما نحكيش
كلامي صعيب على الخنّابة
جماعة الڨرضة و توشويش
كل حد ينال منابهْ
الاسعد بكاري
ليست هناك تعليقات:
إرسال تعليق