🌹 🌿 🌹 🌿 صراع الدنيا ، والإنسان 🌿 🌹 🌿 🌹
أنا الدنيا 🌹 وأنا الإنسان
بنتخانق بقالنا زمان
ما تيجي نشوف مين الغلطان
🌹🌿🌹🌿🌹🌿🌹
🌹 أنا الدنيا 🌹
وكل ما فِيّا ، بالمجان
دهب ، وياقوت
ولو حتى ، عايز مورجان
وأكل وشرب
يطلعلك ، في كل مكان
وخضرة ، وميه
أصنافها ، كتير ألوان
وكل حاجاتي ، ملك إيديك
عايش سلطان
بمد إيديا ، ليك بالخير
ومش حمدان
أكيد ، أنا نعمة ، من الرحمن .
🌹🌿🌹🌿🌹🌿🌹
🌹 أنا الإنسان 🌹
سعات ، وبقول على نفسي
أنا طيب ، أنا الغلبان
وبخطف منك اللقمة
ومش شبعان
وعامل نفسي من ظلمك
عايش حزنان
وبسمع ، والله ، على خيرك
وبيه ولهان
دهب وياقوت
وبتقولي ، كمان ، مورجان
كلام فى كلام ، وعمري ما شفته
بس أسمع ، عليه سَمَعان
ونفسي أعيش ، فيكي مبسوط
ومش طمعان
أجيب الأكل لعيالي ، وبالإمكان
أنور بيتي من الضلمة ، بِنور خَفتان
أنام والبسمة ، على وشي ، ومش تعبان
أخد بإيديا ، من خيرك ، أكون فرحان
عرفتي إزاي أنا المظلوم ، أنا الإنسان
🌹🌿🌹🌿🌹🌿🌹
بتتكلم كلام ، والكدب ، فيه مليان
مين إللي أخد خيرك ، أكيد إنسان
ومين اللي طغى ، بجابروت ، أكيد إنسان
ومين إللي ظلم نفسه ، غير الإنسان
وكل كلامي ، للإنسان
عايش في نفاق
وكذب ، وغيرة ، وطغيان
ومهما الخير يجيله
يقوله ، تاني ، كمان
وناسي . إن اخرها
ليها بيبان
واحد في الجنة . والنعمان
وواحد ، آخرته النيران
ويلا إختار
هتخسر ، ولا في الجنة ، تعيش كسبان
يا دنيا الحق ، كان منك ، أنا الغلطان
🌹🌿🌹🌿🌹🌿🌹
كلماتي / شاذلي محمد عبدالرحمن حسين
ليست هناك تعليقات:
إرسال تعليق