♥️♥️♥️♥️♥️♥️ قطر الحب ♥️♥️♥️♥️♥️♥️
قول يا صاحبي
هو قطر الحب فات
طاب هو قلبي يعني مات
قولت لأ
يلا يابني ذقه ذقة
كل قلب وجايله دقة
بس دقة قلبي معناها السكات
طير وطاير في السما
فارد جناحه وبثبات
عمال يدور ع الأمل
بس الأمل خلف الميعاد
وبنالي ف جبال ذكريات
دي حكاية من عمري اللي فات
يمكن يرق
معقول يا قلبي . بأي حق
عدي الأمل وعملي شق
وأهو سابني وحدي للقلق
قالي إتفلق
ورجعت تاني محطتي
بسأل وأنادي سكتي
ووصلت في أخر طريق المفترق
ورحمني قلبي من الغرق
وفي لحظة عمري إتسرق
وأهي دي حكايتي ياصاحبي
بس النهاية سبحان من رزق
♥️♥️♥️♥️♥️♥️♥️♥️♥️♥️♥️♥️
شاذلي محمد عبدالرحمن حسين
ليست هناك تعليقات:
إرسال تعليق