كلمات مسحراتي
*************
بقلمي/ السيد عطاالله
أنا مسحراتي
قاعد أهاتي
أستاذ نجاتي
صح النوم
جانا رمضان
شهر القران
حس بالغلبان
للسنه يصوم
وحد الواحد
ده شهر واحد
متكونش جاحد
يمكن تنام ما تقوم
يا عم مسلم
و مراتك مريم
على جيرانك سلم
الموت في كل يوم
إسمع يا مظهر
لو للشهر تخسر
هتندم وتتحسر
لما روحك تبلغ الحلقوم
يا ست نرجس
عن الغيبه نخرس
أحسن ما نفلس
لما القيامه تقوم
يا عم سلامه
البخل ندامه
الصدقه علامه
تستنى وتدوم
يا خاله بهجات
بلاش خصومات
ننسى إللي فات
ربنا يتقبل الصوم
يا ست نعمات
حياتنا قبل الممات
نملاها بالحسنات
أصل الحياه ما تدوم
يا حاجه أم محمود
الجوده بالموجود
للمحتاجين نعود
معروفين كالنجوم
رمضان كريم
والبخيل لئيم
يعمل سقيم
لو شاف محروم
ليست هناك تعليقات:
إرسال تعليق