🥮كحك العيد🥮
كحك العيد
ياما أكلنا
وع الجيران
ياما وزعنا
أصل دى عادة
ولها معنى
من زمان بتجمعنا
كنا زمان بنتسلى
نجيب حنة ونتحنه
وننام إيدينا
غرقانه حنة
راحت العادة ياخوانا
كنا زمان بنصحى
من عز النوم ع الفرحة
وكحك العيد له بهجة
نركب بكشنا ونغنى
يابو على يا صياد
اصطاد وادينى يا صياد
واملالى مناديلى يا صياد
ونلف شارعنا
والفرحة تأخذنا
ونغنى كمان أغانى زمان
ياليلة العيد انستينا
وجددتى الأمل فينا
وأصحابنا تنادينا
نلم عدية من دارنا
من أبويا ومن أمى
ومن خالى ومن عمى
وعدية تانية من جارنا
الحاج محمد أبو منة
وعمو فاروق والشلة
ومعاهم تكمل فرحتنا
بكحك العيد وعديتنا
ياليلة العيد انستينا
🌹✍منى العشرى
ليست هناك تعليقات:
إرسال تعليق