. عِتاب عاشق
إنتي ليه مش حاسه بيه
و لا حيرتي إللي بعينيه
ولا حاسه إنتي بناري
ولا بُعدي و إنكساري
وف غيابك ليه تزيدي
إنتي عارفه البُعد قاسي
ومن مرارته إني بقاسي
و ليه تزيدي في العناد
دا السواد فالقلب علقم
واللسان فالحلق شلقم
من الكلام إللي تعلقم
فين حلاوة نبض حرفك
نور وخارج بين شفايفك
له روايح المسك عنبر
ولا صوتك الله أكبر
تحرميهم ليه وداني
من سماع أجمل اغاني
حتى لو كانت شتايم
ماإنتي عارفه إني هايم
وإني مش طايق الفراق
عمادكمال متولي
ليست هناك تعليقات:
إرسال تعليق