موَاااال ...
رح عرّفك
إذا مكنتِ بتعرفي ...
مكانتك عندي
مثل هالشمس معرَّفه
وخيطك بايدي للأبد
مهما تعلّي.. ترفرفي
الصبح بشمسه وقهوته
وموسيقى الغجر
من دونك كلها إشاعه
وإشيا محرَّفه
وهالليل مع كل الإضاءة
وأراجيل
وشلال الميّ ونايات
ومواويل
وصبايا حور
بتكزدر ع طرفه
إذا ما كِنتِ بحدّْي
وضحكتك تتحركش
بقلبي وتفرفحه
وحياة عينك
لا بعترف بالليل...
ولا بتشرف انّي أعرفه !!
#فايزسلطان
عمان2021/5/21💜
ليست هناك تعليقات:
إرسال تعليق