🌹🌿🌹🌿🌹 جاهزين 🌹🌿🌹🌿🌹
جاهزين
فاهمين
ياناس . دا أخرها شوية طين
مترين على متر . شمال ويمين
لا هينفع إبن . ولا الملايين
ولا حتى صحاب . ولا جري سنين
قال يعني ياناس . ماحناش عارفين
اخدانا الدنيا وملهيين
ماشين في طريق . وطريقنا حزين
وكأن حياتنا من الخالدين
والشكوى أساس . قال إيه مساكين
أفعال بنشوفها . بعيد ع الدين
نكدب والكدب . سلاحه متين
ونفاق بيبان . على كل جبين
والكره في لحظة . بقينا حاسدين
ملعونة النظرة اللي بوشين
معقول بنعيشها . ومش فاكرين
عاقليين . ولا إحنا من المجانين
ويا ناس . دا أخرها شوية طين
مترين على متر . شمال ويمين
🌹🌿🌹🌿🌹🌿🌹🌿🌹🌿🌹🌿🌹
شادوليات
شاذلي محمد عبدالرحمن حسين
ليست هناك تعليقات:
إرسال تعليق