(مجاريح يآعاشقين)
إسالوا الليالي عملت إيه فيا
وقد ايه گانت هيآ صعبه عليا
محظوظين ياللي مادوقتوش طعم الهوي
مرتاحين من العذاب والقلب جواكم مااتكوي
وياللي ماعرفتوش حكايتي
إسألوا الأيام عن بدايتي
وتعالوا وانا احكيلكم نهايتي
كان ليا قلب خالي وبريء
وكنت عايش إنسان جريء
خالي من الهموم والتفكير
مرتاح البال وراضي بحياتي كتير
وحياتي خاليه من كل الأوجاع
وراسي ماجالها يوم صداع
لا حب جاني ولا حب مني ضاع
لا بيني ولابين حبيب خصام
ولا يوم جاني حبيب يعاتبني بكلآم
ولا ليا حبيب لوغيبت عنه يزعل ويلومني
أو ياخد علي خاطره مني ويهجرني
والدنيا كانت لعب وضحك بالنسبالي
عمري مانمت ليله والدنيا جرحاني
أحلامي كانت بسيطة مفيهاش أوهام
أسهر الليالي لحالي ومن بدري انام
وحكايتي بدأت مع العذاب
لما بقالي في الدنيا أحباب
قلبي داق لوعة الحنين والأشواق
واتألم من نار وعذاب الفراق
وصبحت من اهل الهوي وعاشق من العشاق
أسهر وافكر ويصعب عليا حالي بعد كل لقاء
والأيام دوقتني طعم الأنين والحنين كل ليله
وابات ليله فرحان وليالي من بُعد حبيبي حزينه
قابلت قلوب مره آسيه ومره جارحه
ومره تسرق راحة البال ومرات هيا كل الفرحه
وعِرفت عيوني عذاب الشوق وطريق الدموع
وياما قلبي بات ليالي من اشواقه وهو موجوع
واللي هويته وحبيته في بعاده ياما إتأذيت
وياما من ظلمه وغيابه عني اشتكيت
وعرفت معني العذاب وطريق السماح
وسِمعت كتير صوت قلوب بتشكي من كتر الأنين والنواح
مساكين يا أهل الهوي مساكين
وكتير في الحب مجاريح ياعاشقين
آه من الحب وعذابه
وآه من لهفة الشوق والحنين لأحبابه
خواطر (اشرف الدغيدي)
حقوق النشر محفوظة
ليست هناك تعليقات:
إرسال تعليق