" لمّا هتسيبني "
••••••••••••
لما هتسيبني...... و ترحل
إيه هيجرىٰ.... ف الوجود
برضو بكرة الشمس تطلع
و القمر...... ف الليل يعود
الحياة ماشية ف طريقها
... و احنا ع الأيام شهود
.. لما هتسيبني.. و ترحل
.. إيه هيجرىٰ ف الوجود
٠٠٠٠٠٠٠
شوف أنا...لو روحي فيك
عمري ماأقبل..يوم شِريك
حتىٰ لو مر....... بخيالك..
برضو قلبي.... يغير عليك
ليه أحبك...... و انت دنيا
..... ضيّعت... كل الوعود
.. لما هتسيبني.. و ترحل
.. إيه هيجرىٰ ف الوجود
٠٠٠٠٠٠٠
لو تدوّر....... ف القلوب
قلبي..... راح تندم عليه
قلب يخلص.... للمحبة
حتىٰ آخر....... دقة فيه
أمّا قلبك.... قلب شارد
ف الهوىٰ... مالوش حدود
.. لما هتسيبني.. و ترحل
.. إيه هيجرىٰ ف الوجود
٠٠٠٠٠٠٠
مش راح أبكي ف الوداع
ولا هاقولك.. ليه سايبني
كنت حلم..ف ليل و ضاع
كنت وهم... و بيصاحبني
ياللي حبك...... بحر هادر
.. لما يغدر........... بالعهود
.. لما هتسيبني.. و ترحل
.. إيه هيجرىٰ ف الوجود
___________________
•••••••••••••••••••••••••••
بقلمي ..
/ ممدوح صبحي
ليست هناك تعليقات:
إرسال تعليق